विदेश

कोरोना संक्रमितको उपचारमा रेम्डिसिभिर प्रयोग नगर्न डब्ल्युएचओको सुझाव

हिमालय टिभी
२०७७ मंसिर ५ गते १४:४५
कोरोना संक्रमितको उपचारमा रेम्डिसिभिर प्रयोग नगर्न डब्ल्युएचओको सुझाव

५ मंसिर, २०७७ काठमाडौं । विश्व स्वास्थ्य संगठनले कोरोना संक्रमितको उपचारमा रेम्डिसिभिर औषधि प्रयोग नगर्न सुझाव दिएको छ ।

डब्ल्यूएचओको विज्ञ समूहले रेम्डिसिभिरले उपचार गरिएका गम्भिर प्रकृतिका संक्रमितको स्वास्थ्य अवस्थामा सुधार आएको कुनै प्रमाण नरहेको स्पष्ट पार्दै प्रयोग नगर्न सुझाएको हो ।

डब्ल्यूएचओको मार्गनिर्देशन विकास समूहले ७ हजारभन्दा बढी संक्रमितलाई रेम्डिसिभिर प्रयोग गर्दा स्वास्थ्यमा सुधार आउन कुनै सहयोग नपुगेको देखिएको जानकारी दिएको छ ।

गएको अक्टोबरमा डब्ल्यूएचओले रेम्डिसिभिरको क्लिनिकल परीक्षणको क्रममा यसको असर न्यून देखिएको बताएको थियो ।

हाल नेपालसहित विश्वका धेरै देशले गम्भिर किसिमका कोरोना संक्रमितलाई रेम्डिसिभिरको औषधिमार्फत उपचार गरिरहेको छ ।

प्रतिक्रिया

Leave a Reply

Your email address will not be published. Required fields are marked *