ला लिगामा रियल मड्रिड, रियल बेटिस र अलाभेस विजयी

Himalaya Television
२०७७ पुष ९ गते ७:२२

ला लिगामा रियल मड्रिड, रियल बेटिस र अलाभेस विजयी

९ पुस २०७७ काठमाडौं । स्पेनिस ला लिगा फूटबलमा रियल मड्रिड, रियल बेटिस र अलाभेस विजयी भएका छन् ।

ला लिगा अन्तर्गत गएराति सम्पन्न खेलमा रियल मड्रिडले ग्रानाडालाई २–० गोलले हरायो । घरेलु मैदानमा रियलको जितमा कासिमिरो र करिम बेञ्जिमाले एक(एक गोल गरेका थिए ।

जितसँगै दोस्रो स्थानमा रहेको रियलले शीर्ष स्थानको एट्लेटिको मड्रिडसँग अंक बराबरी गरेको छ । १३ खेलबाट एट्लेटिकोको ३२ अंक हुँदा रियलले १५ खेल खेल्दै समान ३२ अंक जोडेको छ । उता पराजित टोली ग्रानाडा सातौं स्थानमा कायमै छ ।

ला लिगाकै अर्को खेलमा रियल बेटिसले काडिजलाई १–० ले हरायो । जितसँगै १५ खेलबाट १९ अंकका साथ बेटिस नवौं स्थानमा उक्लिंदा काडिज एघारौं स्थानमा झरेको छ ।

यस्तै अलाभेसले इबरमाथि २–१ गोलको जित निकाल्दा गेटाफे र सेल्टा डि भिगो ११ गोलको बराबरीमा रोकिए ।


प्रतिक्रिया

Leave a Reply

Your email address will not be published. Required fields are marked *

Latest Programs