अनियमितता गरेको आरोपमा दुई जना एसपी निलम्बित

१७ मंसिर, २०७७ काठमाडौं । प्रदेश ट्राफिक प्रहरी कार्यालय, कर्णालीमा रहँदा अनियमितता गरेको अभियोगमा प्रहरी प्रधान कार्यालय, नक्सालले दुई जना प्रहरी उपरीक्षक (एसपी) लाई निलम्बन गरेको छ ।

एसपीद्वय रामेश्वर यादव र विमल बस्नेतलाई निलम्बन गरिएको हो । केन्द्रीय प्रहरी प्रवक्ता एसएसपी वसन्त कुँवरले गैरव्यवसायिक क्रियाकलाप गरेको उजुरी परेपछि दुबै जनालाई निलम्बन गरेर छानबिन थालिएको बताउनुभयो ।

कुँवरका अनुसार एसपीद्वयमाथि छानबिनका लागि प्रहरी प्रधान कार्यालयका प्रहरी वरिष्ठ उपरीक्षक (एसएसपी) उमेश रञ्जितकारको नेतृत्वमा समिति बनेको छ ।