सुनको मूल्य आज तोलामा पाँच सय बढ्यो, प्रतितोला ९० हजार पाँच सयमा कारोवार

Himalaya Television
२०७७ मंसिर १६ गते १३:५७

सुनको मूल्य आज तोलामा पाँच सय बढ्यो, प्रतितोला ९० हजार पाँच सयमा कारोवार

१६ मंसिर, २०७७ काठमाडौं । लगातार ओरालो लागिरहेको सुनको मूल्य आज भने तोलामा पाँच सय बढेको छ ।

स्थानीय बजारमा आज सुनको मूल्य प्रतितोला ५०० ले वृद्धि भएको हो । सोमबार प्रतितोला रु ९० हजारमा कारोवार भएको छापावाला सुन आज ५०० ले वृद्धि भई ९० हजार ५०० पुगेको छ ।

त्यसैगरी सोमबार प्रतितोला ८९ हजार ५५० मा कारोवार भएको तेजाबी सुनको मूल्य आज भने ९० हजार ५० तोकिएको नेपाल सुनचाँदी व्यवसायी महासङ्घले जनाएको छ । तेजाबी सुन पनि प्रतितोला ५०० ले वृद्धि भएको हो ।

यस्तै चाँदी प्रतितोला एक हजार एक सय ५५ मा कारोवार भएको छ । सोमबार प्रतितोला एक हजार एक सय २० मा कारोवार भएको चाँदी आज भने तोलामा ३५ रुपैयाँले वृद्धि भएको हो ।


प्रतिक्रिया

Leave a Reply

Your email address will not be published. Required fields are marked *

Latest Programs