समाज
३ लाख २० हजार घुससहित तलुसीपुर मालपोतका दुई कर्मचारी पक्राउ
२०७७ मंसिर ५ गते १६:२७
५ मंसिर, २०७७, तुलसीपुर । मालपोत कार्यालय तुलसीपुर दाङमा कार्यरत दुई कर्मचारीलाई घुससहित पक्राउ गरिएको छ ।
अख्तियार दुरुपयोग अनुसन्धान आयोग सम्पर्क कार्यालय नेपालगञ्जले मालपोतका नायब सुब्बा पुष्पराज गिरी र कार्यालय सहयोगी मिनराज गैरेलाई तीनलाख २० हजार घुससहित पक्राउ गरेको हो ।
जग्गा नाँपजाँच गरी पूर्जा बनाइदिने भन्दै सेवाग्राहीबाट घुस लिँदै गर्दा शुक्रबार दिउँसो साढे १ बजेतिर उनीहरुलाई पक्राउ गरिएको हो ।
अहिले उनीहरुलाई तुलसीपुरबाट नेपालगञ्ज लैजाने तयारी गरिएको आयोगका कार्यालय प्रमुख गणेश गैरेले बताउनुभयो ।
प्रतिक्रिया