छठमा उपत्यकाका नदी र पोखरीमा भेला हुन रोक

Himalaya Television
२०७७ मंसिर २ गते १८:३७

छठमा उपत्यकाका नदी र पोखरीमा भेला हुन रोक

२ मंसिर, २०७७ काठमाडौं । काठमाडौं उपत्यकाका नदी तथा पोखरीमा भेला भएर छठ पर्व मनाउन प्रशासनले रोक लगाएको छ ।

कोरोना महामारीका कारण यसपटक घरमै बसेर पर्व मनाउन प्रशासनले आग्रह गरेको छ ।

काठमाडौंका प्रमुख जिल्ला अधिकारी जनकराज दाहालले जाडोको समयमा संक्रमणको जोखिम झन् बढ्ने भएकाले नदीमा जम्मा भएर भिडभाड गर्न निषेध गरिएको बताउनुभयो ।

भक्तपुरकी प्रमुख जिल्ला अधिकारी हुमकला पाण्डेले पनि भिडभाड हुने खालका गतिविधिमा रोक लगाउने सरकारकै निर्णय भएकाले छठ पर्वमा पनि सोही अनुसार अघि बढ्ने बताउनुभयो ।

सरकारको निर्णयको कार्यान्वयन गराउने क्रममा भिडभाड र भेला हुन नदिने उहाँले बताउनुभयो । ललितपुरका प्रमुख जिल्ला अधिकारी नारायणप्रसाद भट्टले स्वास्थ्य मापदण्ड पालना गरेर सीमित रुपमा पर्व मनाउनुपर्ने बताउनुभयो ।

यसपालि फरक परिस्थिति भएकाले नागरिक आफैं सचेत हुनुपर्ने उहाँको भनाइ छ । काठमाडौं उपत्यकाका नदी तथा पोखरीमा पोहोर परार छठ मनाउनेको भीड लाग्ने गरेको थियो । यसपाली कोरोना महामारी रहेका कारण उपत्यकामा छठको खासै तयारी गरिएको छैन ।


प्रतिक्रिया

Leave a Reply

Your email address will not be published. Required fields are marked *

Latest Programs