Main News

सफाइ कर्मचारीलाई ज्वरो नाप्न पठाउने गांगुली आइसोलेसनका चिकित्सक फिर्ता

हिमालय टिभी
२०७७ भदौ ७ गते १३:०५
सफाइ कर्मचारीलाई ज्वरो नाप्न पठाउने गांगुली आइसोलेसनका चिकित्सक फिर्ता

७ भदौ, २०७७, धनुषा । धनुषाको नगराइन नगरपालिकास्थित गांगुली आइसोलेसनमा खटिएका चिकित्सक तथा स्वास्थ्यकर्मीको टिमलाई प्रादेशिक अस्पताल फिर्ता बोलाइएको छ ।

सरसफाइ कर्मचारीलाई ज्वरो नाप्न पठाएर आफू आराम गरेको आरोप लागेका एक चिकित्सकसहित स्वास्थ्यकर्मीको टिमलाई फिर्ता बोलाएको प्रादेशिक अस्पताल अन्तर्गतको कोभिड– नाइन्टिनका संयोजक डाक्टर जामुन सिंहले जानकारी दिनुभयो ।

हिजो आइसोलेसनमा सरसफाइको काम गर्ने एक कर्मचारीलाई थर्मल गन दिएर बिरामीको ज्वरो नाप्न पठाइएको थियो । ज्वरो नाप्न गएका ती कर्मचारीले आफूलाई डाक्टरले नै पठाएको बताएका थिए ।

सफाइ कर्मचारी ज्वरो नाप्न आइसोलेसनभित्र पुगेको भिडियो सार्वजनिक भएपछि स्वास्थ्यकर्मीको टोलीलाई फिर्ता पठाएर अर्को टिम पठाउने तयारी भइरहेको डा। सिंहले बताउनुभयो ।

यो पनि हेर्नुहोस्
बिरामी जाँच्न सफाइ कर्मचारी आइसोलेशनमा पुगेपछि….(भिडियोसहित)

प्रतिक्रिया

Leave a Reply

Your email address will not be published. Required fields are marked *