रातो मच्छिन्द्रनाथको रथारोहण गराइयो

Himalaya Television
२०७७ साउन १० गते १३:०५

रातो मच्छिन्द्रनाथको रथारोहण गराइयो

१० साउन, २०७७ काठमाडौं । रातो मच्छिन्द्रनाथको रथारोहण गराइएको छ ।

वर्षा र सहकालका देवता रातो मच्छिन्द्रनाथको रथारोहण आज भएको हो । मच्छिन्द्रनाथ गुठीसँग सम्बन्धित ज्योतिषीको सिफारीसमा मध्यान्ह १२ बजेर १५ मिनेटको शुभसाइतमा रथारोहण गराइएको छ।

मच्छिन्द्रनाथको रथ अहिले ललितपुरको पुल्चोकमा निर्माण भइरहेको छ । रथारोहण समारोहमा २० जना मानिस मात्र सहभागी हुन पाउने निर्णय अनुसारनै काम गरिएको ज्यापु समाजले जनाएको छ ।

विगतका रथारोहणको चार दिनमा रथ तानेर गाःबहाल लाने परम्परा रहेपनि यस वर्ष कोरोना संक्रमणका कारण के गर्ने भन्ने विषयमा टुंगो लागिसकेको छैन ।

रथारोहणका लागि हिजो पुल्चोकमा ३२ हात लामो धःमा, बाराहीले आवश्यक सुनको झ्याल र रथमा चाहिने तोरन राख्ने काम गरिएको थियो । रातो मच्छिन्द्रनाथको काठमाडौं उपत्यकाको सबैभन्दा लामो रथजात्रा हो ।


प्रतिक्रिया

Leave a Reply

Your email address will not be published. Required fields are marked *