आर्थिक

सुनको मूल्यमा अर्को कीर्तिमान, तोलामा पाँच सय बढेर ९४ हजार पाँच सयमा कारोबार

हिमालय टिभी
२०७७ साउन ८ गते १९:२६
सुनको मूल्यमा अर्को कीर्तिमान, तोलामा पाँच सय बढेर ९४ हजार पाँच सयमा कारोबार

८ साउन, २०७७ काठमाडौं । सुनको मूल्यमा आज पुनः कीर्तिमान कायम भएको छ । प्रतितोला पाँच सय रुपैयाँले बढेर सुनको भाउ ९४ हजार पाँच सय रुपैयाँ पुगेको छ ।

नेपाली बजारमा आज छापावाल सुन तोलाको ९४ हजार पाँच सय रुपैयाँ पुगेको नेपाल सुनचाँदी व्यवसायी महासंघले जनाएको छ । तेजाबी सुनको मूल्य भने ९४ हजार ६५ रुपैयाँ प्रतितोला तोकिएको छ ।

चाँदीको मूल्य अघिल्लो दिनको तुलनामा तोलामा १० रुपैयाँले वृद्धि भएर प्रतितोता मूल्य ११ सय ४५ रुपैयाँ कायम भएको छ । मूल्य आकासिएसँगै बजारमा सुनचाँँदी खरिद गर्ने ग्राहक नभएको नेपाल सुनचाँदी व्यवसायी महासंघले जनाएको छ ।

विश्व अर्थतन्त्रमा देखिएको कोरोना असरका कारण सुनको भाउ बढेको महासंघका महासचिव धर्मसुन्दर बज्राचार्यले बताउनुभयो ।

अन्तर्राष्ट्रिय बजारमा सुनको भाउ प्रतिऔंस २ हजार डलरसम्म पुग्ने आकलन गरिएकाले त्यसको असर नेपाली बजारमा अझै पर्न सक्ने बज्राचार्यको भनाइ छ ।

प्रतिक्रिया

Leave a Reply

Your email address will not be published. Required fields are marked *