नेकपाभित्र शक्ति संघर्ष उत्कर्षमा पुगेका बेला नेता नेपाल र चिनियाँ राजदूतबीच भेट

Himalaya Television
२०७७ असार २२ गते १३:००

नेकपाभित्र शक्ति संघर्ष उत्कर्षमा पुगेका बेला नेता नेपाल र चिनियाँ राजदूतबीच भेट

२२ असार, २०७७ काठमाडौं । सत्तारुढ नेपाल कम्युनिष्ट पार्टी (नेकपा) भित्रको शक्ति संघर्ष उत्कर्षमा पुगेका बेला चिनियाँ राजदूत होउ यान्छीले सक्रियता बढाउनुभएको छ ।

चिनियाँ राजदूत यान्छीले नेकपाका वरिष्ठ नेता माधवकुमार नेपालसँग पछिल्लो राजनीतिक घटनाक्रमबारे छलफल भएको हो ।

नेपाल निवास कोटेश्वरमा भएको भेटवार्तामा नेकपा भित्र देखिएको विवाद समाधानबारे राजदूत यान्छीले चासो देखाउनुभएको हो । राजदूत यान्छीले नेपाल कम्युनिष्ट पार्टीलाई थप बलियो बनाउनेगरी लाग्न नेता नेपाललाई आग्रह समेत गर्नुभएको छ ।

नेकपाको स्थायी कमिटिका ४५ मध्ये ३० सदस्य नेपाल(प्रचण्ड पक्षमा छन् । प्रधानमन्त्री ओलीले दुबै पद नछाड्ने अडान लिइरहेका बेला राजदूतले सक्रियता बढाउनुभएको हो ।

गएको बैशाखमा पनि नेकपामा चरम विवाद भएका बेला राजदूत यान्छीले शीर्ष नेताहरुसँग भेटवार्ता गर्नुभएको थियो । राजदूत यान्छिने नेकपा अध्यक्ष प्रचण्डसँग पनि भेटवार्ताको तयारी गर्नुभएको छ ।


प्रतिक्रिया

Leave a Reply

Your email address will not be published. Required fields are marked *