Main News

गण्डकी प्रदेशमा थप ३८ जनामा कोरोना संक्रमण पुष्टि, संक्रमितको संख्या ११३ पुग्यो

हिमालय टिभी
२०७७ जेठ २५ गते ७:५१
गण्डकी प्रदेशमा थप ३८ जनामा कोरोना संक्रमण पुष्टि, संक्रमितको संख्या ११३ पुग्यो

२५ जेठ, २०७७, पोखरा । गण्डकी प्रदेशमा आज थप ३८ जनामा कोरोना संक्रमण पुष्टि भएको छ । यो संगै गण्डकी प्रदेशमा संक्रमित हुनेको संख्या १ सय १३ पुगेको छ ।

आज स्याङजामा १४, बाग्लुङ र गोरखामा १०–१० तथा नवलपुरमा ४ जनामा संक्रमण देखिएको गण्डकी प्रदेशको कोरोना रोकथाम तथा नियन्त्रण कार्यक्रमका निर्देशक डा विनोद विन्दु शर्माले जानकारी दिनुभयो ।

आज स्याङजाको वालिङ नगरपालिकामा १३ जना तथा भिरकोट नगरपालिकामा एक जना, बाग्लुङको वडिगार्ड नगरपालकिामा ९ तथा ढोरपाटन नगरपालिकामा एक जनामा संक्रमण देखिएको हो ।

त्यस्तै गोरखाको गण्डक नगरपालिकामा ९ र पालुङटार नगरपालिकामा १, नवलपरासी सुस्ता पूर्वको हुप्सेकोट नगरपालिकामा ४ जनामा कोरोना संक्रमण देखिएको हो ।

नेपालमा हिजो थप ३ सय २३ जनामा कोरोना संक्रमण पुष्टि भएको थियो । यो सँगै नेपालमा संक्रमितको संख्या ३ हजार ३ सय ३ पुगेको छ ।

प्रतिक्रिया

Leave a Reply

Your email address will not be published. Required fields are marked *