पेट्रोल, डिजेल र मट्टितेलको मूल्य २ रुपैयाँ घट्यो

काठमाडौं । पेट्रोलियम पाइपलाइन उदघाटनको पूर्वसन्ध्यामा नेपाल आयल निगमले प्रमुख तीन इन्धनको मूल्य घटाएको छ ।

पेट्रोल डिजेल र मट्टीतेलको साविक मूल्यमा २ रुपैयाँ घटाइएको निगमका कार्यकारी प्रमुख सुरेन्द्र पौडेलले जानकारी दिनुभयो । नयाँ मूल्य लागू भएसँगै पेट्रोलको १०७ र डिजेल तथा मट्टीतेलको मूल्य ९५ मा झरेको छ ।

यसअघि पेट्रोलको मूल्य १०९ र डिजेल तथा मट्टितेलको मूल्य समान ९७ रुपैयाँ थियो । समायोजन भएको नयाँ मूल्य आज दिउँसो १२ बजेबाट लागू भएको निगमका कार्यकारी प्रमुख पौडेलले जानकारी दिनुभयो । खाना पकाउने ग्याँसको मुल्य भने यथावत रहेको छ ।