सुनको भाउ एक हजार बढ्यो, ७३ हजार ५ सयमा कारोबार

Himalaya Television
२०७६ भदौ ९ गते ९:४३

सुनको भाउ एक हजार बढ्यो, ७३ हजार ५ सयमा कारोबार

काठमाडौं सुनको भाउ आज तोलामा १ हजार रुपैयाँ बढेर ७३ हजार ५ सय रुपैयाँ पुगेको छ।

हिजो ७२ हजार ५ सय रुपैयाँमा किनबेच भएको सुन आज तोलाको ७३ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ । बुधबारदेखि तोलाको ७१ हजार ३ सय रुपैयाँमा कारोबार भैरहेको सुनको भाउ हिजोदेखि फेरि बढेको हो ।

अमेरिका र चीनले एकअर्काका सामानमा कर बढाउँदा तथा डलर मजबुत भएकाले अन्तर्राष्ट्रिय बजारमा नै सुन महंगो भएको छ । यसकै असर नेपालमा पनि परेको महासंघले जनाएको छ । अन्तर्राष्ट्रिय बजारमा आज सुन प्रति औँस १५ सय ४६ डलर पुगेको छ ।

सुनको भाउ बढेपछि अहिले किन्ने भन्दा सुन बेच्ने बढेका महासंघले जनाएको छ । सामान्य अवस्थामा नेपालमा दैनिक २५ देखि ३० किलोसम्म सुनको बिक्री हुने गरेको थियो । तर एक महिनादेखि दैनिक १० किलोको हाराहारीमा मात्र सुन बिक्री भइरहेको छ ।

अन्तर्राष्ट्रिय बजारमा भर पर्ने भएकाले माग घटे पनि नेपालको बजारमा सुनको भाउ चाहिँ बढिरहेको महासंघले जनाएको छ ।


प्रतिक्रिया

Leave a Reply

Your email address will not be published. Required fields are marked *