जीएसएमएससँगको सहकार्यमा एनसेलको स्टार्ट अपहरूका लागि कार्यशाला

Himalaya Television
२०७६ भदौ ४ गते ७:३६

जीएसएमएससँगको सहकार्यमा एनसेलको स्टार्ट अपहरूका लागि कार्यशाला

काठमाडौं । मोबाइल सेवा प्रदायक एनसेलले विश्वभरका मोबाइल सेवा प्रदायक कम्पनीको छाता संगठन जिएसएमएसँगको सहकार्यमा नेपाली स्टार्ट अपहरूका लागि कार्यशाला सञ्चालन गरेको छ ।

स्टार्ट अप कम्पनीहरू र मोवाइल सेवा प्रदायक कम्पनीका बीच सहकार्य सुदृढ पार्ने उद्देश्यले एक दिने कार्यशाला आयोजना गरेको एनसेलले जनाएको छ ।

कार्यशालामा ३० वटा स्टार्ट अप कम्पनीका ५० भन्दा बढी प्रतिनिधिले भाग लिएका थिए । कार्यशालामा नयाँ प्रविधि, ट्रेन्ड्सबारे जानकारी दिइएको थियो । साथै, अफ्रिका तथा एसिया प्यासिफिकमा टेलिकम कम्पनी, स्टार्ट अप र ग्राहकलाई फाइदा हुनेगरी मोवाइल सेवा प्रदायकसँग कसरी साझेदारी भएका छन् भन्नेबारे प्रस्तुति दिइएको थियो ।

कार्यक्रममा जिएसएमएको इकोसिस्टम एसेलेरेटर कार्यक्रमका मार्केट इन्गेजमेन्ट डाइरेक्टर मार्टिन कारान्जाले मोबाइल अपरेटर र स्टार्ट अपबीचको सहकार्यबारे प्रकाश पारेका थिए । जिएसएमए विश्वभर सञ्चालनमा रहेका ७ सय ५० भन्दा बढी सेवा प्रदायक र मोवाइल इकोसिस्टमका ४ सय कम्पनीहरूको साझा संगठन हो ।


प्रतिक्रिया

Leave a Reply

Your email address will not be published. Required fields are marked *