भोजपुरमा पोखरीमा डुबेर दुई जनाको मृत्यु

भोजपुर । भोजपुरमा पोखरीमा डुबेर २ युवाको मृत्यु भएको छ ।

जिल्लाको आमचोक गाउँपालिका २ यूँमा पोखरीमा डुबेर आमचोक १ वासिङ्गथर्पूका २५ वर्षीय निमा शेर्पा र २० वर्षिय गेल्बु शेर्पाको मृत्यु भएको हो ।

हिजों दिउँसो घरबाट घुम्न निस्किएका दुई युवा आमचोक थामडाँडास्थित पोखरीमा राती मृत अवस्थामा फेला परेका थिए ।

उनीहरु पोखरीमा डुबेको देखेपछि स्थानीयले प्रहरीलाई खबर गरेका थिए । प्रहरीले पौडी खेल्ने क्रममा डुबेर मृत्यु भएको बताएको छ ।