Breaking News

निर्मला हत्या प्रकरणमा शंकास्पदको सूचीमा रहेका एक जना प्रहरी नियन्त्रणमा

काठमाडौं, १९ मंसिर । बलात्कारपछि हत्या गरिएकी १३ वर्षीया बालिका निर्मला पन्तको अनुसन्धान गरिरहेको टोलीले एक जना शंकास्पद व्यक्तिलाई काठमाडौंबाट नियन्त्रणमा लिएको छ ।

कञ्चनपुरकै एक युवकलाई अनुसन्धानका लागि नियन्त्रणमा लिइएको स्रोतको दाबी छ । उनको नाम भने गोप्य राखिएको छ । विभिन्न समितिले घटनामाथि अनुसन्धान गर्ने क्रममा उनलाई पनि शंकास्पदको सूचीमा राखेको थियो । यद्यपि, उनी भारत गएको परिवारले दाबी गरेको थियो । तर, पछिल्लो समय उनी काठमाडौंमा देखिएपछि सोधपुछका लागि नियन्त्रणमा लिइएको स्रोतको भनाइ छ ।

उनको डीएनए परीक्षण गरिने प्रहरीले जनाएकाे छ । घटनाको अनुसन्धान गरिरहेको केन्द्रीय अनुसन्धान ब्यूरो (सीआईबी) का निर्देशक प्रहरी नायब महानिरीक्षक (डीआईजी) निरज शाही भने घटनाको अनुसन्धान जारी रहेकाले शंकास्पद व्यक्तिलाई नियन्त्रणमा लिने, सोधपुछ गर्ने र छोड्ने क्रम चलिरहेको जानकारी दिए ।

साउन १० गते साथीकाे घरमा हाेमवर्क गर्न गएका बेला निर्मलाकाे बलात्कारपछि हत्या भएकाे थियाे ।

shares