Breaking News

ताइवानमा भूकम्पको धक्का महसूस

ताइपेइ, ६ कार्तिक ।

ताइवानमा मङ्गलबार मध्यान्ह ५.७ म्याग्नीच्यूडको भूकम्प गएको अमेरिकी भौगर्भिक सर्भेले जनाएको छ । ताइवानको पूर्वी तटीय सहर हुवालीन नजिक गएको उक्त भूकम्पको धक्का राजधानी ताइपेइमा समेत महसूस गरिएको थियो ।

सर्भेका अनुसार मङ्गलबार दिउँसो १२ बजेर ३४ मिनेटमा गएको उक्त भूकम्पको केन्द्र जमिनको सतहबाट ३४ किमी तल रहेको छ ।

ताइवानको केन्द्रीय मौसम विज्ञान विभागले भने उक्त भूकम्प ६ म्याग्नीच्यूडको रहेको जनाएको छ । भूकम्पबाट तत्काल कुनै हताहती वा क्षतिको विवरण प्राप्त भएको छैन ।

स्थानीय सञ्चार माध्यमले भूकम्पको धक्का पूरै ताइवानमा अनुभव गरिएको बताएका छन् । भूकम्पका कारण राजधानी ताइपेइमा भवनहरू निकै जोडले हल्लिएको प्रत्यक्षदर्शीहरू बताउँछन् ।

यसै वर्षको फेब्रुअरीमा समेत हुवालीनमा ६.४ म्याग्नीच्यूडको भूकम्प गएको थियो । त्यसबखत १७ जनाको मृत्यु भएको थियो ।

ताइवान पनि भूकम्पीय जोखिममा रहेको स्थान हो । सन् १९९९ को सेप्टेम्बरमा गएको ७.६ म्याग्नीच्यूडको शक्तिशाली भूकम्पका कारण करिब २ हजार ४ सय मानिसको मृत्यु भएको थियो ।

shares