Breaking News

पारस र प्रतिभा बने सेन्चुरी बैंकको सद्भावना दूत

काठमाण्डौ, २ साउन । सेन्चुरी कमर्सियल बैंकले राष्ट्रिय क्रिकेट टिमका कप्तान पारस खड्का र भलिबल खेलाडी प्रतिभा मालीलाई सद्भावना दूत घोषणा गरेको छ ।

बुधबार काठमाडौंमा आयोजित एक कार्यक्रममार्फत दुई खेलाडीलाई सद्भावना दूत बनाएको हो । सेन्चुरी बैंकका प्रमुख कार्यकारी अधिकृत तुलसीराम गौतम, सहायक कार्यकारी अधिकृत जिवन भट्टराई, मार्केटिङ प्रमुख रञ्जन खड्का लगायतको उपस्थिती रहेको कार्यक्रममा पारस खड्कालाई ब्याट र प्रतिभा मालीलाई बल हस्तान्तरण गरेर औपचारिक घोषणा गरियो ।

नेपालकै कान्छो बैंक सेन्चुरीले नेपालका दुई सुपरस्टारहरुलाई आबद्ध गराउन पाउँदा लोकप्रियता तथा व्यावसायिक अपभवृद्धिमा मद्धत पुग्ने जनाएको छ । एक दिवशीय मान्यता पाएपछि पहिलो खेल खेल्न भोलि इंग्ल्याण्ड जान लागेका पारस खड्काले सेन्चुरी बैंकले खेलक्षेत्र रोजिएकोमा धन्यवाद प्रकट गरे । नेपाली भलिबलमा उत्कृष्ट प्रदर्शन गर्दै आएकी प्रतिभा मालीले बैंकको प्रमोसनका लागि सक्दो सहयोग गर्ने प्रतिक्रिया दिइन् ।

shares