मेगा बैंक नेपाल लिमिटेड तेस्रो वर्षमा प्रवेश

मेगा बैंक नेपाल लिमिटेड स्थापनाको दुई वर्ष पूरा गरी आजबाट तेस्रो वर्षमा प्रवेश गरेको छ। बैंकले हलोदेखि हाइड्रोसम्म भन्ने नारासहित २०६७ साउन ७ गतेदेखि कारोबार सुरु गरेको थियो। वार्षिक समारोहलाई सम्बोधन गर्दै बैंकका अध्यक्ष मदनकुमार दाहालले आगामी दिनमा कृषि र उर्जा क्षेत्रलाई प्राथमिकतामा राखी पर्याप्त लगानी प्रवर्र्द्धन गर्ने उदेश्य रहेको बताउनुभयो ।

बैंकले दुई वर्षको अवधि भित्र नेपालभर २८ शाखा विस्तार गरिसकेको छ। यस्तै, शाखारहित बैंकिङ सेवामार्फत ग्रामीण भेगमा सेवा विस्तार गरिरहेको दाहालले बताउनुभयो। बैंकको गत आर्थिक वर्षमा निक्षेप संकलन करिब ४ अर्ब बृद्धि भई ९ अर्ब २० करोड पुगेको र कर्जा प्रवाह तीन अर्ब २० करोडबाट वृद्धि भई ८ अर्ब पुगेको छ। आगामी तीन वर्ष भित्र ५० शाखा विस्तार गर्ने बैंकले जनाएको छ।
ज्ञानेन्द्र पौडेल