एसएलसी परीक्षाको नतिजा सार्वजनिक

यस वर्षको एसएलसी परीक्षाको परीक्षाफल आज सार्वजनिक भएको छ। परीक्षा नियन्त्रण कार्यालयले प्रकाशित गरेको नतिजा अनुसार, नियमिततर्फ ४७ दशमलब एक ६ प्रतिशत एक्जाम्टेडतर्फ १३ दशमलब सात शून्य प्रतिशत विद्यार्थी उत्तीर्ण भएको परीक्षा नियन्त्रण कार्यालय सानो ठिमीले जनाएको छ। १७ हजार ७ सय साठी विशिष्ठ श्रेणीमा, ७७ हजार ३ सय ८३ प्रथम श्रेणीमा, एक लाख एक हजार चार सय पच्चीस विद्यार्थी द्वितीय श्रेणीमा र ११ हजार ६ सय १९ विद्यार्थी तृतीय श्रेणीमा उत्तीर्ण भएका छन्।

यस वर्षको परीक्षामा ५१० जना विद्यार्थी निष्काशनमा परेका छन् भने ९ सय २७ को परीक्षा रद्ध भएको परीक्षा नियन्त्रण कार्यालयले जनाएको छ। गत चैतमा सम्पन्न एसएलसी परीक्षामा नियमिततर्फ ४ लाख ४९ हजार ९ सय ७४ र आंशिकतर्फ ८२ हजार २ सय ८३ विद्यँर्थी सहभागी थिए। परीक्षाफल प्रकाशित भएपछि परीक्षा नियन्त्रण कार्यालय परिसरमा विद्यार्थी र अभिभावकको घुइचो लागेको छ। त्यहांको पछिल्लो अवस्थाबारे जानकारी दिन हाम्रो सम्पर्कमा हुनुहुन्छ, संवाददाता रमेश धमला।