Breaking News

अख्तियारकाे दुरुपयोग : कर्णालीका मुख्यमन्त्रीले महिनाकाे १२हजार ४ सय जीवननिर्वाह भत्ता लिएकाे खुलासा

कालिकाेट २२चैत्र। कर्णाली प्रदेशका मुख्यमन्त्री महेन्द्रबहादुर शाहीले छ वर्ष यतादेखि विशिष्ट श्रेणीको जीवननिर्वाह भत्ता लिँदै आएको खुलेको छ । सशस्त्र द्वन्द्वमा सख्त घाइते भएका व्यक्तिलाई सरकारले जीवननिर्वाह भत्ता दिँदै आएको छ ।

सरकारले सशस्त्र द्वन्द्वका बेला घाइते भएका कर्णालीवासीका लागि विशिष्ट र प्रथम श्रेणी गरी दुई किसिमका भत्ता प्रदान गर्दै आइरहेको छ । शाहीले ६ वर्षदेखि निरन्तर विशिष्ट श्रेणीको घाइतेले पाउने मासिक १२ हजार चार सय रुपैयाँ जीवननिर्वाह भत्ता लिँदै आएका छन् ।

जीवननिर्वाह भत्ता लिने क्रम उनी सभासद् तथा ऊर्जामन्त्री हुँदा पनि कायम थियो । स्थानीय शान्ति समिति कालिकोटले सशस्त्र द्वन्द्वका बेला घाइते भएका एक सय ३४ जनालाई भत्ताका लागि सिफारिस गरे पनि उनीहरूले राहत पाएका छैनन् ।

सरकारले प्रदान गरेको जीवननिर्वाह भत्ता लिनेमा कर्णाली प्रदेशका मुख्यमन्त्री शाहीसहित ६५ जना छन् । जिल्ला प्रशासन कार्यालयले शाहीको राष्ट्रिय वाणिज्य बैंक काठमाडौंको खाता नं. १४३०००२१२८५१० मा हरेक महिना १२ हजार चार सयका दरले चौमासिक रूपमा भुक्तानी दिँदै आएको छ । स्रोतका अनुसार यो वर्षको कात्तिकमा पनि उनको खातामा रकम गइसकेको छ । स्थानिय शान्ति समितिका अनुसार कालिकाेटबाट विशिष्ट श्रेणीकाे जीवन निर्वाह भत्ता लिने १० जना छन ।

कर्णाली प्रदेशका मुख्यमन्त्री महेन्द्रबहादुर शाहीले लिएकाे विशिष्ट श्रेणीकाे जीवननिर्वाह भत्ता अर्काकाे सहायतामा बाच्न बाध्य घाइतेलाई दिइने भत्ता हो । कालिकाेट प्रदेशसभा ख बाट निर्वाचित भइसकेपछि पनि शाहीले जीवन निर्वाह भत्ता लिएका छन । कार्तिकमा भुक्तानी गर्नुपर्ने रकम निर्वाचनका कारण माघमा खातामा पठाइएकाे थियो । सरकारकाे मापदण्डअनुसार विशेषज्ञ डाक्टरकाे सिफारिसमा ७१ प्रतिसत देखि सतप्रतिशत घाइते विशिष्ट श्रेणीकाे जीवननिर्वाह भत्ता लिन योग्य मानिन्छन । यो खबर अन्नपूर्ण पोष्टमा छ ।

मुख्यमन्त्रीकी श्रीमतीले १० बर्ष देखि कामै नगरी तलब खाएकाे खुलासा

shares