Breaking News

गच्छदारलार्इ चाैधरीकाे चुनाैति, सुनसरीमा एमाले र कांग्रेसकाे राेमांचक प्रतिस्पर्धा

सुनसरी, २३ मंसिर । चार वटा निर्वाचन क्षेत्र रहेको सुनसरीका दुई स्थानमा कांग्रेसले अग्रता कायम गरेको छ भने बाँकी दुई स्थानमा एमालेको अग्रता छ ।

कांग्रेस नेता विजयकुमार गच्छदार अझै अगाडि आउन सकेका छैनन् । नेता ज्ञानेन्द्रबहादुर कार्की र सीताराम मेहताले भने अग्रता लिइरहेका छन् ।

कांग्रेसको साथ लिएर चुनाव लडेका संघीय समाजवादी फोरमका वरिष्ठ नेता अशोक राईलार्इ जित सुनिश्चित गर्न हम्मेहम्मे परेकाे छ ।

जिल्लाको क्षेत्र नं. १ मा एमाले उम्मेदवार अग्रता जयकुमार राईले १२ हजार ८३७ मत ल्याउँदा संघीय फोरमका वरिष्ठ नेता अशोक राईले ५ हजार ७७७ मत ल्याएका छन् ।

क्षेत्र नं. २ मा कांग्रेसका सीताराम मेहताले माओवादीका डम्बर सुवेदीलाई पछि पारेका छन् । मेहताले ९ हजार ४४० मत ल्याउँदा सुवेदीले ८ हजार २६२ मत ल्याएका छन् ।

त्यस्तै, क्षेत्र नं. ३ मा कांग्रेस नेता विजयकुमार गच्छदार पछि परेका छन् । उनलाई एमाले नेतृ भगवती चौधरीले पछि पारेकी हुन् । गच्छदारले ६ हजार ५२१ मत ल्याउँदा एमाले उम्मेदवार चौधरीले ८ हजार ५८८ मत ल्याएकी छिन् ।

क्षेत्र नं. ४ मा कांग्रेस नेता ज्ञानेन्द्र कार्कीले अग्रता लिइरहेकाे स्थिति छ । कार्कीले १० हजार ९५ मत ल्याउँदा प्रतिष्पर्धी एमाले नेता रमेश श्रेष्ठले ७ हजार ८६८ मत ल्याएका छन् ।

shares