August 23, 2017

राष्ट्रिय खेलकुद परिषद्ले १० खेल संघ खारेज गर्‍यो 

लोकेन्द्र बस्नेत / काठमाण्डौ, २१ वैशाख । राष्ट्रिय खेलकुद परिषद् (राखेप) ले विभिन्न १० खेलको राष्ट्रिय संघ खारेज गर्ने निर्णय गरेको छ । त्यसमा ९ खेलको विद्यालय राष्ट्रिय खेल संघ रहेका छन् ।

खारेजीमा परेका संघहरुमा नेपाल स्टिक स्पोर्ट्स संघ, नेपाल विद्यालय फुटबल संघ, राष्ट्रिय विद्यालय जिम्न्याष्टिक महासंघ, विद्यालय बास्केटबल महासंघ नेपाल, राष्ट्रिय विद्यालय ब्याडमिन्टन महासंघ, नेपाल विद्यालय ह्यान्डबल संघ, नेपाल विद्यालय कबड्डी संघ, राष्ट्रिय विद्यालय क्रिकेट संघ, राष्ट्रिय विद्यालय तेक्वान्दो संघ र राष्ट्रिय विद्यालय बुद्धिचाल संघ रहेका छन् ।

राखेपमा दर्ता रहेका राष्ट्रिय संघहरुलाई व्यवस्थित रुपमा सञ्चालन गरी विभिन्न खेलको विकास र विस्तार गर्ने उद्देश्य अनुरुप २०७२ साल पुस १ गते राखेपकी सदस्य शान्ति सिंहको संयोजकत्वमा गठिन गरिएकाे थियाे ।

खेलकुद विकास ऐन, नियम बमोजिम दर्ता तथा नविकरण नभएको, सम्बन्धित खेलको खेल गतिविधि सञ्चालन गर्न नसकेको अवस्थामा विद्यमान खेलकुद संघ हटाउने निर्णय गरिएको हो ।