Breaking News

छालाको जुनसुकै समस्या हटार्इ अनुहारमा चमक ल्याउने १५ उत्कृष्ट तरिकाहरू

तपाइँको शारीरिक बनावट जति नै मिलेको र सुन्दर भए पनि यदि छालामा कुनै पनि कमजोरी वा खराबी छ भने तपाइँको सुन्दरताको अर्थ रहँदैन ।

सौन्दर्य विशेषज्ञका अनुसार छालामा चमक ल्याउन वा छालाको सुन्दरतामा थप रौनकता ल्याउन चाहनुहुन्छ भने तपाइँ आफ्नै भान्छामा भएका चिजहरूको सदुपयोग गरी आफ्नो इच्छा पुरा गर्न सक्नुहुन्छ ।

यी टिप्सहरू अपनार्इ तपाइँ आफ्नो छालाको सुन्दरता बढाउनुहोस् र आफूमा आत्मविश्वास जगाउनुहोस् ।

१. एक चम्चा श्रीखण्ड चन्दन पाउडरमा एक चिम्टी बेसार र त्यसमा एक चम्चा दुध मिलाएर गाढा मिश्रण तयार गर्नुहोस् र उक्त पेस्ट वा मिश्रणलार्इ अनुहारमा लगाउनुहोस् । करीब बीस मिनेटपछि मुख धुनुहोस्, यसले तपाइँको अनुहारमा थप चमक ल्याउनेछ ।

२. एक चम्चा ताजा दुधको तरमा तीन-चार बदाम मसिनो बनाएर पिसेर मिसाउनुहोस् । यसमा चार-पाँच थोपा कागतीको रस मिलार्इ मिश्रण तयार गर्नुहोस् । सो मिश्रणलार्इ अनुहार वा गर्दनको वरपर लगाउनुहोस् । लगभग २० मिनेट जति पछि हातले बिस्तारै माड्दै यसलार्इ सफा गर्नुहोस् । यसले सौन्दर्यमा निखार ल्याउँछ ।
३. पाकेको मेवाको गुदीलार्इ राम्रोसँग मिचेर अनुहार, गर्दन वा हातमा लगाउनाले दाग वा धब्बाहरू सजिलैसँग हट्दछ ।

४. चामलको एक चम्चा पिठोमा दुर्इ चम्चा बाक्लो दही मिसाएर पेस्ट बनाउनुहोस् । यसलार्इ आफ्नो अनुहार वा हातमा लगाएर हल्का माड्नुहोस् । छ-सात मिनेटपछि सफा गर्नुहोस् ।

५. तीन चम्चा गहुँको पिठोमा एक चम्चा बेसन, एक चम्चा मह, एक चम्चा दही राम्ररी फिट्नुहोस् । त्यसलार्इ अनुहारमा लगाएर २० मिनेट रहन दिनुहोस् र त्यसपछि सफा गर्नुहोस् ।

६. एक चम्चा सेतो तिलमा एक चम्चा बेसार मिसाएर बाक्लो मिश्रण तयार गर्नुहोस् । अब उक्त मिश्रणलार्इ अनुहारमा लगाउनुहोस्, छालामा चमक आउनेछ ।

७. यदि तपाइँको छाला सुख्खा छ भने राती सुत्नुभन्दा पहिले बदाम वा नरिवलको तेल लगाएर हातगोडाको मसाज गर्नुहोस् । त्यसपछि काँक्रो काटेर सुस्तरी त्यसमाथि दल्नुहोस् । केही समयपछि सफा कपडाको सहायताले पुछ्नुहोस् ।

८. रुखो छालाको समस्या हटाउनु छ भने तीन चम्चा महमा एक चम्चा बदामको तेल र एक चम्चा जैतुनको तेल मिलाएर मज्जासँग फिट्नुहोस् । अब यसलार्इ आवश्यक ठाउँमा लगाएर आधा घण्टा जति रहन दिनुहोस् । पछि हल्का मनतातो पानीले पखाल्नुहोस् ।

९. कागतीको बोक्रालार्इ सुकाएर पाउडर बनाउनुहोस् र यसमा एक चम्चा बेसार र अलिकति दुध मिसाएर पेस्ट बनाउनुहोस् । यसरी तयार पारिएको पेस्ट छालामा लगाउनुहोस् र केही समयपछि

रगडेर उक्त स्क्रबलार्इ हटाउनुहोस् । अब तपाइँको छाला चम्किन लाग्नेछ ।

१०. तीन चम्चा बाजरे ( पर्ल मिलिट) को पिठोमा चार-पाँच चम्चा दुध र एक चम्चा ग्लिसरीन मिसाएर पेस्ट बनाउनुहोस् । यसलार्इ लगाएर पाँच मिनेटजति राखेर बिस्तारै उप्काउनुहोस् ।

११. दुर्इ चम्चा गोलभेडाको रसमा चार चम्चा दही मिसाएर राम्रोसँग फिट्नुहोस् । अनुहार वा घाँटी वरपर लगाएर केही समयपश्चात् सफा गर्नुहोस् ।

१२. केराको गुदीलार्इ राम्ररी मिचेर थोरै मह मिसार्इ अनुहारमा लगाउनाले मइस्चराइजरको काम गर्दछ ।

१३. अनुहारलार्इ कोमल र मुलायम बनाउन टमाटर, काँक्रो वा सुन्तलाको रस लगाउनुभयो भने यसले टनिकको काम गर्छ जसले छालालार्इ चम्काउँछ ।

१४. एक चम्चा चनाको दाललार्इ दुधमा रातभर भिजाउनुहोस् । बिहान यसलार्इ पिसेर बेसार, दुधको तर तथा दुर्इ-तीन थोपा गुलाबजल मिसाएर अनुहारमा लगाउनुहोस् । सुकेपछि हातले हल्कासँग रगडेर यसलार्इ हटाउनुहोस् । यसले अनुहारमा रौनकता ल्याउँछ ।

१५. दुर्इ वा तीन दाना बदामलार्इ रातभर दुधमा भिजाएर राख्नुहोस् र बिहान यसलार्इ पिसेर अलिकति बेसार मिसार्इ सो मिश्रणलार्इ अनुहारमा लगाउनु भयो भने अनुहारको सुन्दरता दुर्इ गुणा बढ्न जान्छ ।

 

 

 

shares