September 26, 2017

नक्कली सिक्कामा फस्यो १० हजार नेपालीको ४० अर्ब

काठमाडौ,१ असोज । नेपाल राष्ट्र बैंकले अवैध घोषणा गरे पनि नेपालीसँग करिब ४० अर्बको बिटक्वाइन रहेको खुलेको छ ।

राष्ट्र बैंकको अनुसन्धान अनुसार नेपालमा १० हजार नेपालीसँग औसत १० बिटक्वाइन भएको अनुमान गर्दा प्रतिक्वाइन तीन लाख ८८ हजार रुपैयाँका दरले कुल मूल्य करिब ४० अर्ब रुपैयाँ हुन्छ ।

‘हाम्रो अनुसन्धानले १० हजार नेपालीसँग अवैध बिटक्याइन रहेको थाहा भएको छ’, नेपाल राष्ट्र बैंकका कार्यकारी निर्देशक भीष्मराज ढुंगानाले भने, ‘व्यापारी र हुन्डी कारोबारीसँगै सरकारी उच्च अधिकारीले पनि बिटक्वाइन किनेर राखेको प्रारम्भिक जानकारी प्राप्त भएको छ ।’

राष्ट्र बैंकको विदेशी विनिमय व्यवस्थापन विभागले गत २९ साउनमा नेपालमा बिटक्वाइनलगायत क्रिप्टोकरेन्सीहरु चलाउनु गैरकानुनी रहेको सूचना निकालेको थियो । याे खबर नयाँ पत्रिका दैनिकमा छ ।