August 20, 2017

गाईजात्रामा काे-काे हाँस्यकलाकारले के विषयवस्तुको चर्चा गरे

साउन २४, काठमाण्डौ । हाँस्यकलाकारले ‘व्यङ्ग्य विधा छाडा भयो भन्दै अब नयाँ पुस्तालाई हस्तान्तरण गर्नुपर्ने बताएका छन् ।

मंगलबार विहान गाइजात्राको अवसर पारेर रिपोर्टस क्लब नेपालकाे केन्द्रिय कार्यालय काठमाण्डौको भृकुटमण्डपमा चर्चित कलाकारहरुको जमघटबाट साे कुरा अाएकाे हो ।

कार्यक्रममा ककस्ले के विषयवस्तुको चर्चा गरे

चर्चित कलाकार मनोज गजुरेल

गजुरेलले पछिल्ला वर्षहरुमा गाईजात्रामा प्रस्तुत गरिने शैली छाडा हुन थालेकोमा चिन्ता व्यक्त गर्दै जसलाई जे पायो त्यही भनेर गाईजात्राको नाममा विकृति भित्र्याइएको आरोप लगाए । गाईजात्राको पुरानो संस्कृति र परम्परा हट्दै जानु र छाडा व्यङ्ग्यले प्रश्रय पाउनु दुखद भएको भन्दै गजुरेलले त्यस्ता प्रवृत्ति रोक्नुपर्ने बताए ।
कार्यक्रममा गजुरेलले प्रधानमन्त्री शेरबहादुर देउवा, पूर्वराजा ज्ञानेन्द्र शाह र केपी शर्मा ओलीको क्यारिकेचर गरेर मनोरञ्जन प्रदान गरेका थिए ।

लोकगायक कमलीकान्त भेटवाल

भेटवालले झम्के गुलेली भाकामार्फत राजधानीको खाल्डा, प्रदुषण, अपहरणका घटना लगायत नेताहरुको गलत प्रवृत्तिको व्यङ्ग्य गरे । उनले नेपाली कालाकारले साधनाबिना नै पैसा र रहरको भरमा गुणस्तरहिन सृजना गर्ने गरेको आरोप समेत लगाए ।

नवकलाकार नविन दाहाल

दाहालले नेपाली नेताहरुले काम नै नगरी देशको ढुकुकी रित्याएको विषयलाई व्यङ्ग्य गरे । उनले नेताहरु रामचन्द्र पौडेल, केपी शर्मा ओली, बाबुराम भट्टराई, चित्रबहादुर केसी लगायतको व्यङ्ग्यात्मक क्यारिकेचर गरेका थिए ।

चलचित्र निर्माता तथा हास्य कलाकार दिपकराज गिरी

गिरीले पछिल्लो समय आफ्नो पुस्ताले नयाँ शैलीको प्रस्तुति दिन नसकेको स्विकार गर्दै गिरीले सबै पुराना कलाकारले यो विषयमा सोच्नुपर्ने बेला आएको बताए । ०४६ साल पछिका वर्षमा प्रहसन हुने गाईजात्रा निरस बन्दै गईरहेको बताए । उनले प्रधानमन्त्री शेरबहादुर देउवा लगायत मुख्य दलका नेताको बारेमा व्यङ्ग्यात्मक प्रस्तुति समेत दिए ।

वरिष्ठ कलाकार किरण केसी

केसीले  आफ्नो पुस्ताले झण्डै तीन दशक हास्यव्यङ्ग्य विधाको नेतृत्व गरेको उल्लेख गर्दै अब या विधालाई अझ राम्रो बनाउनका लागि नयँ पुस्ता अघि सर्नुपर्ने बताए । कार्यक्रममा कलाकार केसीले गाईजात्राको महत्व घट्दै गएको र विषयमा विविधता नभएको स्वीकार गरे । जीवनका ४२ वर्षे यात्रामा अरुको नक्कल र आलोचना गरेका केसीले यो वर्ष अरु भन्दा पहिले आफु परिवर्तन हुनुपर्छ भन्दै आफ्नै जीवनका भोगाईको बारेमा अभिनय गरेका थिए ।

कलाकार शैलेन्द्र सिङ्खडा

सिङ्खडाले प्रधानमन्त्री शेर बहादुर देउवाको अभिनय र पछिल्लो समयमा सामाजिक सञ्जालमा आएका विषयलाई अभिनयको माध्यमबाट सन्देश दिएका थिए ।

चर्चित कलाकार कमल

गाउँलेले गाईजात्रामा नेपालीले भोग्नु परेको पीडालाई समावेश गरेको जानकारी दिदै प्यारोडि गित गाएका थिए ।
प्रभावशाली आवाजमा प्रस्तुति दिन सक्ने क्षमता भएका गाउँलेले कला क्षेत्रले समाजका नयाँ पक्ष र लुकेका सन्दर्भहरुलाई बाहिर ल्याउनुपर्ने बताए ।

शिवशङ्कर रिजाल ‘जोगिन्दर’

‘जोगिन्दर’ ले पत्रकार ऋषि धमलाको पत्रकारिता र कार्यक्रम ‘जनता जान्न चाहन्छन्को’ बारेमा अभिनयमार्फत प्रस्तुत भएका थिए। उनले सबै राजनीतिक दलको गतिविधिका बारेमा व्यङ्ग्य गर्दै स्थानीय तहको निर्वाचनको नतिजाका बारेमा कटाक्ष गरेका थिए ।

पार्टी जुट्ने फु्ट्ने र निर्वाचनको समयमा चुनाव जित्नैको लागि गरिएको गठबन्धनले केही पार्टीलाई फाईदा पुगेपनि धेरै जसो पार्टीलाई फाइदा नभएकोप्रति उनको प्रस्तुति लक्षित थियो ।

जितु नेपाल

नेपालले प्रधानमन्त्री शेरबहादुर देउवा, माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल, एमाले अध्यक्ष केपीशर्मा ओली, रामचन्द्र पौडेल, पत्रकार ऋषि धमला लगायत चर्चित व्यक्तिहरुको क्यारिकेचर गरेका थिए ।